شادی کا رشتہ دنیا کا سب سے مضبوط رشتہ ہوتاہے اوراگر اس رشتے کا خیال نہ رکھا جائے بیک وقت سب سے کمزور رشتہ بھی ہوتا ہے ۔یہ اس پودے کی طرح ہوتا ہے جسے پیار محبت کے پانی سے آبیار کرنا پڑتا ہے اور خیال کی دھوپ سے اتنا گھنا بنا دیا جاتا ہے کہ کسی بھی انسان کی زندگی کی سب سے بڑی سرمایہ کاری بن جاتی ہے جس کا نقصان کسی طور پر بھی گنوارا نہیں ہوتا۔آئیے آپ کو اس تعلق کو مضبوط بنانے کے لیے کچھ تجاویز کے بارے میں بتاتے ہیں۔
دوست بنیں
دی نیشنل بیورو آف اکنامک کے ذریعے کی گئی ایک تحقیق میں پایا گیا ہے کہ جو جوڑے ایک دوسرے کو بہترین دوست سمجھتے ہیں وہ دوسروں کی بہ نسبت اپنی زندگی میں زیادہ خوش و خرم رہتے ہیں۔
چھوٹی چھوٹی باتوں کو اہمیت دیں
مضبوط رشتے کے لئے وقتاً فوقتاً اپنے شریک حیات کو خاص محسوس کروانا ضروری ہے۔ یہ جتانا بھی ضروری ہے کہ آپ ان کی فکر کرتے ہیں اور انہیں محبت کرتے ہیں۔ اس سے رشتے میں مضبوط آتی ہے۔ آپ بھلے ہی زیادہ کچھ نہیں مگر اتنا تو کر ہی سکتے ہیں کہ محبت بھرا ایک چھوٹا سا پیغام اپنے شریک حیات کے پرس میں ڈال دیں یا دن بھر کے کام کے بعد ان کے ساتھ بیٹھ کر گرم گرم چائے کا لطف اٹھا سکتے ہیں۔
سرپرائز بھی دیں
کبھی کبھی اپنے شریک حیات کو سرپرائز دیں۔ اس قسم کی چھوٹی چھوٹی سرگرمیاں آپ کو ایک دوسرے کے قریب لے آتی ہیں۔ ضروری نہیں کہ سرپرائز میں قیمتی تحفہ ہی دیا جائے بلکہ کسی دن کام سے جلدی فارغ ہوکر دوپہر کا کھانا ایک دوسرے کے ساتھ کھا سکتے ہیں۔
مشکل وقت میں ساتھ دیں
جنرل آف پرسنالٹی اینڈ سوشل سائیکولوجی کے ایک ریسرچ کے مطابق اچھے وقت میں ہم سفر کا ساتھ دینا تو اچھا ہے مگر اس سے بھی ضروری ہے کہ دکھ، پریشانی اور مشکل کام میں اپنے ساتھی کے ساتھ کھڑے رہنا۔
رشتے میں تازگی لائیں
میاں بیوی کے درمیان اگر ایک دوسرے کو سرپرائز دینے کا سلسلہ جاری رہے تو رشتے میں بھی تازگی اور مضبوطی قائم رہتی ہے۔ ساتھ مل کر نئے نئے تجربات سے بھری سرگرمیوں میں حصہ لیں، نئی نئی جگہ گھومنے جائیں، ایڈونچرکا لطف اٹھائے، لانگ ڈرائیو پر جائیں، ایک دوسرے کو کھانے پینے، گھومنے، ہنسنے اور سمجھنے کے نئے نئے مواقع دیں۔ کبھی بھی رشتے میں مایوسی اور لاپروائی کو درمیان میں نہ آنے دیں دیں۔ زندگی کو نئے نئے سرپرائز سے سجا کر رکھیں۔
آخر میں، اپنے وعدے پورا کیجئے اکثر وعدہ پورے نہ کرنے کے سبب بھی دوری آجاتی ہے اور ایک دوسرے کو مثبت باتیں کہنا، ان کی اچھی باتوں کی تعریف کرنا اور خامیوںکو نظر انداز کرنا رشتے میں مضبوطی پیدا کرتا ہے۔
عمّارہ خان ایم فل ماس کمیونیکیشن کی طالبہ ہیں اور تقریباْ بارہ سال سے لکھنے کے کام سے منسلک ہیں۔“دل کا رشتہ“ایپ پر بھی خاندان اور شادی سے جڑے موضوعات پر لکھتی ہیں۔
