اداکارعمران اشرف کی سابقہ اہلیہ کرن اشفاق نے سیاست دان کے ساتھ دوسری شادی کرلی ہے ۔ کرن اور انکے شوہر کی نکاح کی تصاویر اور ویڈیوز سوشل میڈیا پر وائرل ہورہی ہیں۔ کہا جا رہا ہے کہ کرن حمزہ علی چوہدری کے ساتھ شادی کے بندھن میں بندھی ہیں۔اپنی ذاتی زندگی کے اتنے بڑے فیصلے سے متعلق کرن نے کسی بھی سوشل میڈیا پلیٹ فارم پر کوئی اپ ڈیٹ شیئر نہیں کی تھی مگر اب اچانک ان کی دوسری شادی کی خبریں سامنے آئی ہیں۔سوشل میڈیا پر زیر گردش ویڈیوز میں سے ایک ان کے نکاح کی ہے جس کے لیے انھوں نے سفید جوڑے کا انتخاب کیا ہے جبکہ حمزہ بھی سفید جوڑے میں ہی ملبوس ہیں۔اس سے پہلےکرن اشفاق نے اپنی طلاق کے بعد کافی کھل کر بات کی تھی۔ انھوں نے اپنے سابق شوہر کے لیے اپنے طرز زندگی کو تبدیل کرنے کے حوالے سے دی گئی قربانیوں پر پچھتاوے کا کھلے عام اعتراف کیا تھا۔
جب کرن اشفاق نے دوسری شادی کی تصاویر سوشل میڈیا پر شیئر کیں تو لوگوں نے تبصرے شروع کر دیے۔صارفین کے تبصروں پر جواب دیتے ہوئے انہوں نے لکھا کہ کیا وہ گھر پر ہی بیٹھ جاتیں تاکہ والدین دیکھ کر پریشان ہوتے۔ عمران اشرف سے رشتہ ٹوٹنے کی وضاحت کرتے ہوئے انہوں نے کہاکہ میں نے نہیں عمران نے مجھے چھوڑا تھا۔کرن اشفاق نے یہ بھی واضح کیا کہ یہ کوئی پیار کی شادی نہیں بلکہ خاندان کی پسند پر نئے جیون ساتھی کا انتخاب ہوا ہے۔سابقہ اہلیہ کی اچانک دوسری شادی پر اداکار عمران اشرف کی جانب سے کسی بھی ردعمل کا اظہار نہیں کیا گیا لیکن اُنہوں نے اپنے انسٹاگرام اسٹوری میں مبہم پوسٹ شیئر کی۔عمران اشرف نے اپنے ٹی وی شو کا ایک ویڈیو کلپ اسٹوری میں پوسٹ کیا جس میں اداکار وہاج علی شاعری کررہے ہیں، وہاج علی کہتے ہیں کہ ’’بڑا ہی جان لیوا ہے صاحب، یہ اہم ہونے کا وہم ہونا‘‘۔اداکار عمران اشرف کی اس اسٹوری کو سوشل میڈیا صارفین سابقہ اہلیہ کرن اشفاق کی دوسری شادی کے ردعمل سے جوڑ رہے ہیں۔
اداکار عمران اشرف نے ماڈل کرن اشفاق سے 2018 میں شادی کی تھی اور دونوں کا ایک بیٹا ہے جس کا نام ’روہم‘ ہے۔نورِ نظر، باندی، وفا کیسی کہاں کا عشق، آبرو، شہرِ اجنبی، میرے مہرباں، چنگاری، دل لگی، الف اللہ اور انسان، دل موم کا دیا، تعبیر، میں ماں نہیں بننا چاہتی، میرے مہربان، آبرو، صدقے تمہارے، گل رعنا، دولہا مل گیا، محبت مشکل ہے، شہرناز، عشق نچایا، فالتو لڑکی، جھوٹ، بد گمان، کتنی گرہیں باقی ہيں، آبگینہ، خدا میرا بھی ہے، وہ، دلِ جانم، لشکارہ، سسکیاں، دل کا کیا ہوا، میری ماں، جال، انکار اور رانجھا رانجھا کر دی سمیت کئی سیریلز میں وہ اپنی عمدہ اداکاری کے جوہر دکھا چکے ہیں۔ عمران اشرف کو ایوارڈز شوز کی مختلف کیٹگریز کے لیے بھی نامزد کیا گیا۔ ڈراما دل لگی اور گل رعنا کے لیے بہترین سپورٹنگ رول کے ایوارڈز بھی مل چکے ہیں۔ ڈراما سیریل رانجھا رانجھا کر دی میں ان کے کردار بھولا نے انہیں شہرت کی بلندیوں تک لے گیا۔ آج کل بھی کئی پراجیکٹس پر کام کر رہے ہیں۔عمران اشرف ایک کامیاب ترین اداکار ہیں اور ان کی بہت اچھی شہرت ہے لیکن ان کی شادی کامیاب نہیں ہو سکی۔ شادی کو کامیاب بنانا بھی ایک کامیابی ہے جس میں بہت سمجھداری کی ضرورت ہوتی ہے اور اس بات کا اقرار انھوں نے بھی کیا ہے جب ایک پرو گرام میں جب ان سے ایک خاتون نے سوال کیا کہ بھولا کے کردار میں آپ کافی بھولے تھےلیکن اصل میں آپ اتنے بھولے نہیں لگتے ۔تو اداکار نےجواب دیتے ہوئے کہا کہ “جب بات محبت ،اعتماد اوراعتبار کی آجائے تو میں واقعی بہت بھولا ہوں، لیکن باقی معاملات میں نہیں ہوں”۔
عمّارہ خان ایم فل ماس کمیونیکیشن کی طالبہ ہیں اور تقریباْ بارہ سال سے لکھنے کے کام سے منسلک ہیں۔“دل کا رشتہ“ایپ پر بھی خاندان اور شادی سے جڑے موضوعات پر لکھتی ہیں۔
