اس سال مشہور شخصیات کی شادی کی تقریبات تو آپ نے دیکھی ہی ہوں گی۔ہم نے ان ڈریس ڈیزائنرز کی لسٹ بنائی ہے جنھوں نے آپکی پسندیدہ شخصیات کی شادی کے کپڑے ڈیزائن کیے ہیں جن میں مینال خان،نیہا تاثیر اورآئمہ بیگ شامل ہیں۔آج ہم ان ہی ڈیزائنرز کے کام کے بارے میں بات کریں گے۔
نیہا راجپوت اورحسین ریہار
کامدار دوپٹے اور شرارے کے ساتھ بنے اس آسمانی جوڑے میں نیہا کمال لگ رہی تھیں۔یہ جوڑا روائتی شادی کے جوڑے سے بہت مختلف لگ رہا تھا،اس کے رنگ نے دیکھنے والوں کو ایک سحر میں مبتلا کر دیا اور ان لوگوں کے لیے اطمینان کا باعث بنا جو اپنی شادی پر کچھ ہٹ کر پہننا چاہ رہے ہیں۔
آئمہ بیگ اور دیوانی ساڑھی
ساڑھیاں ہمیشہ ٹرینڈ میں رہی ہیں!دیوانی کی ساڑھی نے دیکھنے والوں کو بتایا کہ آپ کس طرح ایک روائتی سُرخ رنگ کو جدید انداز میں پہن سکتے ہیں۔انڈیا کی ٹاپ ڈیزائنر دیوانی کی ساڑھی نے پاکستان میں دھوم مچائی ہوئی ہے۔
مینال خان اور ارم خان کا ٹیل والا جوڑا
اس سال ٹیل والے کپڑے بھی بہت ٹرینڈ میں ہیں۔مینال کا کامدار،بڑے گلے والا گولڈ جوڑا روائتی جوڑے سے بہت ہٹ کر تھا۔آپ بھی اس سال شادی کے لیے یہ انداز اپنا سکتے ہیں۔
عمّارہ خان ایم فل ماس کمیونیکیشن کی طالبہ ہیں اور تقریباْ بارہ سال سے لکھنے کے کام سے منسلک ہیں۔“دل کا رشتہ“ایپ پر بھی خاندان اور شادی سے جڑے موضوعات پر لکھتی ہیں۔
