آج 31 مئی کو دنیا بھر میں انسداد تمباکو نوشی کے عالمی دن کے طور پر منایا جا رہا ہے، اس دن لوگوں کو تمباکو کے خطرات اور صحت پر اس کے منفی اثرات سے آگاہ کیا جاتا ہے۔ ہم سب جانتے ہیں کہ تمباکو کا استعمال ہماری صحت کے لیے کتنا نقصان دہ ہے، اس کے باوجود لوگ تمباکو کا استعمال نہیں چھوڑ رہے ہیں۔تمباکو صحت کے لیے کتنا خطرناک ہے اس کا اندازہ ہر سال ہونے والی اموات سے لگایا جا سکتا ہے۔ ایک اعداد و شمار کے مطابق دنیا بھر میں تمباکو کی وجہ سے ہر سال تقریباً 80 لاکھ لوگ موت کے منہ میں چلے جاتے ہیں ۔موجودہ اعداد و شمار کے مطابق اب تمباکو صحت کے ساتھ ساتھ ماحول کو بھی بہت نقصان پہنچا رہی ہے۔ ہر سال اس کی وجہ سے تقریباً 60 کروڑ درختوں کی قربانی دینی پڑتی ہے جو کہ ماحولیات کے لیے بالکل ٹھیک نہیں ہے۔ دنیا اس کی فکر کرنے اور اس کا حل تلاش کرنے میں مصروف ہے۔
عالمی ادارہ صحت نے 1987 میں ایک قرارداد منظور کی تھی۔ جسے 7 اپریل 1988 کو ‘ عالمی یوم انسداد تمباکو نوشی’ کے طور پر نافذ کیا گیا ہے۔ اس ایکٹ کے تحت لوگوں کو کم از کم 24 گھنٹے تمباکو کا استعمال بند کرنا تھا۔ لیکن بعد میں اسے 31 مئی سے عالمی یوم انسداد تمباکو نوشی کے طور پر منایا جانے لگا۔ سال 2008 میں ڈبلیو ایچ او نے تمباکو سے متعلق کسی بھی اشتہار یا تشہیر پر بھی پابندی لگا دی تھی۔ اس کا مقصد یہ یقینی بنانا تھا کہ نوجوان اشتہار دیکھ کر سگریٹ نوشی کی طرف راغب نہ ہوں۔ الغرض تمباکو کے عالمی دن کا مقصد تمباکو کے استعمال سے منسلک صحت کے خطرات کے بارے میں آگاہی پیدا کرنا ہے۔
اگر کوئی تمام تنبیہات کے باوجود تمباکو نوشی کر رہا ہے تو وہ جان بوجھ کر خطرناک بیماریوں کو اپنے جسم میں جگہ دے رہا ہے۔ تمباکو کے استعمال سے کینسر، پھیپھڑوں کا کینسر، عضو تناسل کی خرابی، دل کی سنگین بیماری اور دانتوں کی بیماری جیسے سنگین مسائل پیدا ہوتے ہیں۔ منہ کا کینسر تمباکو کے استعمال سے ہونے والی سب سے بڑی بیماری ہے۔
دھوئیں کے علاوہ تمباکو چبانے سے بھی لوگوں کی صحت کو نقصان پہنچ رہا ہے۔ تمباکو کا وہ حصہ جو انسانی جسم میں داخل ہوتا ہے۔ یہ خون کے ذریعہ جسم کے مختلف حصوں تک پہنچتا ہے۔ جس کی وجہ سے جگر، گردے اور لبلبہ سمیت کئی قسم کے کینسر کا خطرہ رہتا ہے۔ اس کی روک تھام بھی ضروری ہے کیونکہ تمباکو کا استعمال صرف آپکو نہیں آپکے پیاروں کو بھی متاثر کرتا ہے۔اعداد و شمار بتاتے ہیں کہ تقریباً 1.2% لوگ سگریٹ نوشی کے بغیر اس کے ساتھ رابطے میں آ کر موت کو گلے لگا رہے ہیں۔
-
تمباکو نوشی کی عاد ت سے کیسے جان چھڑائیں؟
تمباکو نوشی چھوڑنے کی کوشش کرتے وقت، تمباکو نوشی کرنے والے اکثر اپنے منہ میں کچھ چباتے رہنے کی شدید خواہش محسوس کرتے ہیں۔ ایسی حالت میں آپ سلاد سے بھرا ایک پیالہ، چبانے کے لیے اپنے ساتھ رکھ سکتے ہیں۔ تمباکو نوشی کی خواہش سے بچنے کے لیے آپ شوگر فری چیونگم بھی لے سکتے ہیں۔ اس کے علاوہ الائچی یا سونف چبانے سے بھی سگریٹ نوشی کی خواہش سے لڑنے میں مدد ملتی ہے۔جب کوئی شخص آزاد اور اکیلا ہوتا ہے تو اسے سگریٹ نوشی یا تمباکو پینے یا تمباکو کھانے کی ضرورت محسوس ہوتی ہے۔ ایسی صورتحال سے بچنے کے لیے اپنے آپ کو زیادہ سے زیادہ مصروف رکھیں۔ تمباکو چھوڑتے وقت لوگوں کا ذہن ہر بار اسی طرف جاتا ہے، اس لیے اپنی توجہ کام پر رکھیں۔ صبح یوگا اور ورزش بھی کریں۔
عمّارہ خان ایم فل ماس کمیونیکیشن کی طالبہ ہیں اور تقریباْ بارہ سال سے لکھنے کے کام سے منسلک ہیں۔“دل کا رشتہ“ایپ پر بھی خاندان اور شادی سے جڑے موضوعات پر لکھتی ہیں۔
