رمضان کی آمد ہے اور وہ جوڑے جو ایک وقت میں کام بھی کر رہے ہیں اور گھر کے علاوہ دوسرے مسائل کو بھی دیکھ رہے ہیں ان کے لیے ان سب کاموں میں توازن رکھنا مشکل ہو جاتا ہے۔لیکن اب گھبرانے کی ضرورت نہیں ہے کیونکہ اب ہم آپ کے لیے رمضان میں پہلے سے تیار کر کے رکھنے والے کھانوں کے بارے میں بتائیں گے جو بہت مزیدار بھی ہیں۔تو تیار ہو جائیں ان مزیدار کھانوں کے لیے جو آپ کے رمضان کو آسان اور مزیدار بھی بنا دیں گے۔
کریسپی تندوری فنگرز
کریسپپی تندوری فنگر رمضان کے لیے ایک بہترین سنیک ہے۔یہ ایک مشہور انڈین کھانا ہے جس میں چکن کو دہی اور مصالحوں میں مکس کر کے کچھ وقت کے لیے رکھا جاتا ہے اور پھر اسے تندور میں پکایا جاتا ہے،یہ تندور مٹی کا بنا ہوتا ہے۔اس چکن کا بہترین ذائقہ ہوتا ہے جسے اس طریقے سے بھی کھا یا جا سکتا ہے اور کسی اور کھانے میں مکس کر کے بھی کھایا جا سکتا ہے۔
چکن سپیگیٹی رولز
چکن سپیگیٹی رولز ایک بہت ہی مزیدار اور آسانی سے بننے والا سنیک ہے جو کام کرنے والے افراد آسانی سے بنا کر فریز کر سکتے ہیں۔اس کو بنانے کے لیے روٹی میں چکن سپیگیٹی اور پنیر کو رول کر دیا جاتا ہے اور فریز کر کے بعد میں استعمال کر سکتے ہیں۔بس اوون میں گرم کریں اور مزیدار رولز کا مزہ لیں۔
بٹر چکن پوٹلی سموسہ
پوٹلی سموسہ رمضان میں کھایا جانے والا ایک روائتی کھانا ہے۔اس سموسے میں مصالحے دار آلو اور چکن بٹر کو بھرا جاتا ہے اور گھی میں فرائی کیا جاتا ہے۔پوٹلی سموسہ کو چٹنی اور کیچپ کے ساتھ استعمال کیا جا سکتا ہے۔پوٹلی سموسہ رمضان کے مقدس مہینے میں ایک زبردست سنیک ہے جو کام کرنے والے جوڑوں کے لیے رمضان کو آسان بنا دیتا ہے۔
پنیر سموسہ
پنیر گائے کے دودھ سے بنی ہوتی ہے۔یہ اپنے ذائقے اور غذائیت کے لیے جانی جاتی ہے۔اسے میٹھے اور نمکین دونوں کھانوں میں استعمال
کیا جا سکتا ہے۔
پنیر سموسہ میں پنیر،آلو،مٹر اور مصالحوں کو استعمال کیا جاتا ہے۔اس میں باریک کٹی ہوئی سبز پیاز کو بھی استعمال کیاجا سکتا ہے۔ان سموسوں کو فرائی کیا جاتا ہے لیکن انھیں ائیر فرائیر بھی کیا جاسکتا ہے۔
سموسے بنانے کے لیے آٹا،گھی،نمک اور پانی کو استعمال کر کے آٹا گوندھا جاتا ہے۔
سپرنگ چیز پاکٹس
رمضان میں کام کرنے والے جوڑوں کو کام کے ساتھ گھر اور روز سنیکس بنانے کا وقت نہیں ملتا ایسی صورت میں سپرنگ چیز پاکٹس کو پہلے سے بنا کر فریز کیا جا سکتا ہے۔یہ بنانا بھی آسان ہیں اور مزے میں بھی بھرپور ہوتے ہیں۔سب سے اہم بات یہ ہے کہ یہ صحت کے لیے بھی بہترین ہوتے ہیں۔
چکن پاپ کارن
چکن پاپ کارن کو بنانا بھی آسان ہے اور یہ مزیدار بھی بہت ہوتے ہیں۔انھیں بنا کر فریز کیا جا سکتا ہے اورافطاری کے وقت استعمال کیا جا سکتا ہے۔چکن پاپ کارن بنانے کے لیے پین میں تھوڑا سا آئل ڈال کر چکن کو فرائی کیا جاتا ہے۔جب چکن پک جائے تو اس میں مکئی کے دانے ڈال دیں۔دانے پھول کر پاپ کارن بن جائیں گے۔اس طرح مزیدار چکن پاپ کارن بن جائے گا۔
فریش جوس کیوبز
رمضان سے پہلے جوس کیوبز بنا کر رکھ لیے جائیں تو یہ ایک بہترین کام ہو جاتا ہے کیونکہ جب آپ کا دل کرے کیوبز کو نکال کر جوس بنایا جا سکتا ہے اور رمضان کو مزیدار بنایا جا سکتا ہے۔کیوبز بنانے کے لیے اپنی پسند کے فروٹ لے کر ان کو بلینڈر میں بلینڈ کریں اور کیوبز ٹرے میں ڈال کر فریز کر لیں۔
منٹ چٹنی کیوبز
ایک فوڈ پروسیسر میں پودینے کے پتے،سبز پیاز،لال مرچ،سرخ مرچ،لیموں کا جوس،زیتون کا تیل،نمک اور کالی مرچ ڈال کر بلینڈ کر لیں اور بعد میں دہی مکس کر لیں۔
اس مکسچر کو آئس کیوب ٹرے میں ڈال کر فریز کر لیں۔اسے فریز ہونے میں 2گھنٹے لگتے ہیں۔
یہ تمام ریسیپیز کام کرنے والے جوڑوں کے لیے نعمت سے کم نہیں۔وہ رمضان میں مزیدار ڈشز سے لطف اندوز ہوں گے اور اپنے کام اور گھر میں توازن بھی رکھ پائیں گے۔
عمّارہ خان ایم فل ماس کمیونیکیشن کی طالبہ ہیں اور تقریباْ بارہ سال سے لکھنے کے کام سے منسلک ہیں۔“دل کا رشتہ“ایپ پر بھی خاندان اور شادی سے جڑے موضوعات پر لکھتی ہیں۔
