اگرچہ ہر موسم کی اپنی خوبصورتی ہوتی ہے، لیکن گرمی اور نمی میک اپ کے لیے چیلنج بن سکتی ہے۔ تاہم، درست پروڈکٹس اور سلیقے سے کیے گئے میک اپ سے چہرہ تروتازہ اور دلکش دکھائی دیتا ہے۔ یہاں ہم چند ضروری میک اپ آئٹمز کا ذکر کر رہے ہیں جو گرمی کے موسم میں آپ بلا جھجک استعمال کر سکتی ہیں۔
پرائمر
میک اپ کو دیرپا اور خوبصورت رکھنے کے لیے پرائمر کا استعمال نہایت اہم ہے۔ گرمی کے لیے میٹ فنش اور آئل فری پرائمر بہترین رہتا ہے، جو جلد کو نرم اور ہموار بناتا ہے۔
ٹنٹڈ موئسچرائزر
گرمیوں میں ہلکے میک اپ کا استعمال بہتر ہوتا ہے، اور اس کے لیے ٹنٹڈ موئسچرائزر ایک عمدہ انتخاب ہے۔ یہ جلد کی نمی کو قائم رکھتے ہوئے اسے تروتازہ بناتا ہے۔ اکثر ٹنٹڈ موئسچرائزر میں سن اسکرین بھی موجود ہوتی ہے، جو دھوپ سے بچاؤ فراہم کرتی ہے۔
لپ اسٹین
گرمیوں میں بہت سی خواتین لپ اسٹک کے بجائے ہلکی لپ اسٹین کا استعمال پسند کرتی ہیں۔ لپ اسٹین ہونٹوں پر قدرتی رنگ دیتی ہے اور اگر اس میں بادام کا روغن بھی شامل ہو تو ہونٹوں کی نمی بھی برقرار رہتی ہے۔ یہ زیادہ دیر تک قائم رہتی ہے اور بھاری محسوس نہیں ہوتی۔
واٹر پروف مسکارا
پسینے سے بچاؤ کے لیے واٹر پروف مسکارا کا استعمال بہتر ہے۔ یہ نہ صرف آنکھوں کو نمایاں بناتا ہے بلکہ سارا دن پھیلنے سے محفوظ رہتا ہے۔
لونگ ویئر آئی شیڈو اور آئی لائنر
گرمیوں میں بھی کریمی آئی شیڈو استعمال کیا جا سکتا ہے، لیکن آئی شیڈو پرائم کا استعمال ضرور کریں تاکہ رنگ زیادہ دیر برقرار رہیں۔ آئی لائنر کے لیے آئی پینسلز بہترین انتخاب ہیں کیونکہ یہ جلدی پھیلتی نہیں ہیں۔
میک اپ سیٹنگ اسپرے
گرمی کے موسم میں میک اپ کی پائیداری بڑھانے کے لیے سیٹنگ اسپرے نہایت ضروری ہے۔ ایک اچھا سیٹنگ اسپرے آپ کے میک اپ کو 16 گھنٹے تک تروتازہ رکھ سکتا ہے، اس لیے اسے اپنی میک اپ لسٹ میں ضرور شامل کریں۔درست میک اپ پروڈکٹس اور مناسب انداز اپناتے ہوئے، گرمی کے موسم میں بھی آپ کا میک اپ نہ صرف دیرپا ہوگا بلکہ آپ کو پہلے سے زیادہ دلکش اور بااعتماد بھی دکھائے گا۔
عمّارہ خان ایم فل ماس کمیونیکیشن کی طالبہ ہیں اور تقریباْ بارہ سال سے لکھنے کے کام سے منسلک ہیں۔“دل کا رشتہ“ایپ پر بھی خاندان اور شادی سے جڑے موضوعات پر لکھتی ہیں۔
