پاکستان ڈرامہ اندسٹری کی منجھی ہوئی اداکارہ اور اداکارہ دیبا کی بیٹی مدیحہ رضوی دوبارہ شادی کے بندھن میں بندھ گئیں۔اس سے پہلے 2022 میں انہوں نے نے اپنے پہلے شوہر سے طلاق لے لی تھی۔
ہم سب اداکارہ کو بہت سے ڈراموں میں اداکاری کرتے دیکھتے رہے ہیں لیکن کچھ عرصہ سے وہ اپنی بیٹیوں کے ساتھ زیادہ وقت گزار رہی تھیں اور ڈراموں میں بہت کم نطر آ رہی تھیں۔
اداکارہ نے آخری دفعہ جو کردار کیا تھا وہ بہت پسند کیا گیا تھا۔یہ ڈرامہ “پری زاد” تھا جس میں وہ پری زاد کی بھاوج کا کردار نبھا رہی تھیں۔
مدیحہ رضوی جہاں ایک کامیاب اداکارہ ہیں وہیں اپنی ذاتی زندگی میں انھیں بہت سے مسائل کا سامنا کرنا پڑا۔انہوں نے پہلی شادی کو آٹھ سال تک کامیاب بنانے کی کوشش کی لیکن اس کا طلاق پر اختتام ہوا۔اس دوران ان کے ہاں دو پیاری سی بیٹیوں کی بھی پیدائش ہوئی۔
ایک شادی کی نا کامی کے بعد انھوں نے دوبارہ زندگی شروع کرنے کا فیصلہ کیا اور دوسری شادی کی تصاویر دیکھتے ہی دیکھتے سوشل میڈیا پر وائرل ہو گئیں۔
مدیحہ رضوی کی شادی کی تقریب بہت سادہ تھی جس میں قریبی دوستوں اور رشتے داروں نے شرکت کی اور ظاہری نمودو نمائش نہیں کی گئی۔
سب سے خوبصورت بات یہ تھی کہ مدیحہ کی دونوں بیٹیاں بھی اس شادی میں شریک تھیں اور اپنی والدہ کو دلہن بنا دیکھ کر بہت خوش تھیں۔
مدیحہ کے دوسرے شوہر کے بارے میں کوئی معلومات دستیاب نہیں کہ وہ کیا کرتے ہیں اور آیا ان کا شوبز سے تعلق ہے کہ نہیں ہے۔کمنٹ سیکشن میں مدیحہ رضوی کو مبارک باد دینا نہ بھولیے گا۔ہماری دعا ہے کہ ان کی آگے کی زندگی خوشگوار گزرے۔
عمّارہ خان ایم فل ماس کمیونیکیشن کی طالبہ ہیں اور تقریباْ بارہ سال سے لکھنے کے کام سے منسلک ہیں۔“دل کا رشتہ“ایپ پر بھی خاندان اور شادی سے جڑے موضوعات پر لکھتی ہیں۔
