پیر کے روز اسلام آباد میریٹ ہوٹل میں پاشا آئی سی ٹی ایوارڈز کی شاندار تقریب منعقد ہوئی جس میں پاکستان کی آئی ٹی انڈسٹری کی نمائندہ تنظیم پاکستان سافٹ ویئر ہائوسز ایسوسی ایشن (پاشا) کے زیراہتمام ملک کی آئی ٹی انڈسٹری میں نمایاں خدمات انجام دینے والی کمپنیوں کو ایوارڈ سے نوازا گیا۔تقریب کی مہمان خصوصی وزیر مملکت برائے انفارمیشن ٹیکنالوجی و ٹیلی کمیونیکیشن شزہ فاطمہ خواجہ تھیں جبکہ اس موقع پر خصوصی طور پر آئی ٹی انڈسٹری سے تعلق رکھنے والی معروف شخصیات نے شرکت کی۔
اس سال ایوارڈز کی نامزدگی کے لیے مجموعی طور پرایک ہزار ایک سو اٹھانوے درخواستیں موصول ہوئیں جن میں سے گولڈ کیٹگری سےآئی ٹی سیکٹر میں نمایاں کردار ادا کرنے والی 33 کمپنیوں اور میرٹ کی بنیاد پر 47 کمپنیوں کو ایوارڈ دیئے گئے۔ ان ایوارڈز کیلئے کنزیومرسروسز، بزنس سروسز، انکلوژن ایڈ کمیونٹی اور سٹوڈنٹ انوویشن کی ٹاپ کیٹگریز سے انتخاب کیا جانا تھا۔آئی ٹی انڈسٹری سے تعلق رکھنے والی 15 معروف شخصیات نے بطور ججز فرائض انجام دیتے ہوئے موصول شدہ درخواستوں میں سے میرٹ پر ایوارڈز کے لیئے بہترین امیدواران کا انتخاب کیا۔ پاکستان کے سب سے بڑے آئی ٹی اور ٹیکنالوجی پاشا ایوارڈ کی کنزیومر کیٹیگری میں”بیسٹ کنزیومر مارکیٹ پلیس ایپ” کا گولڈ ایوارڈ” دل کا رشتہ “ایپ نے اپنے نام کیا۔“دل کا رشتہ” ایپ نےبہت کم عرصے میں یہ ایوارڈ حاصل کر کے اپنے آپ کو ایک کامیاب سٹارٹ اپ اور ایک بہترین ڈیجیٹل ایپ ہونے کا ثبوت دیا ہے۔ ایپ نے اپنی اس کامیابی کو اپنے صارفین کے نام کیا ہے جن کے بھرپور اعتماد کی وجہ سے 5۔4 ملین پروفائلز اور 20 ہزار شادیاں ممکن ہو سکیں۔
عمّارہ خان ایم فل ماس کمیونیکیشن کی طالبہ ہیں اور تقریباْ بارہ سال سے لکھنے کے کام سے منسلک ہیں۔“دل کا رشتہ“ایپ پر بھی خاندان اور شادی سے جڑے موضوعات پر لکھتی ہیں۔
