پاکستان کی معروف اداکارہ عریشہ رضی عبداللہ کے شادی کے بندھن میں بندھ گئیں۔اداکارہ عریشہ رضی نے سال 2022 میں عبدللہ فاروقی نامی نوجوان کے ساتھ نکاح کیا تھا، جس کے بعد اس سال کراچی میں ان کی شادی کی تقریب کا آغاز ہوا۔عریشہ رضی کی شادی کی تقریبات کا آغاز جنوری 2024 سے ہوا جس میں ڈھولکی، دعائے خیر، مایوں، برائیڈل شاور، گیم نائٹ اور بارات کی تقریبات شامل ہیں۔
View this post on Instagram
شیندی کی تقریب کراچی میں ہوئی جس میں کئی شوبز ستاروں نے بھی شرکت کی جبکہ اداکارہ کی ڈانس ویڈیو بھی سوشل میڈیا پر وائرل ہے۔سوشل میڈیا پر وائرل ہونے والی تصاویر و ویڈیو میں اداکارہ عریشہ رضی کو گہرے لال رنگ کے عروسی جوڑے میں دیکھا جاسکتا ہے۔اس سے قبل اداکارہ عریشہ رضی نے اپنے شوہر عبداللہ کے ساتھ مایوں کی تقریب میں ڈانس کرتے ہوئے ایک ویڈیو شیئر کی تھی۔ویڈیو میں دیکھا جاسکتا ہے کہ عبداللہ عریشہ رضی کا ہاتھ تھامے ہوئے انہیں ڈانس فلور پر لیکر آتے نظر آرہے ہیں جس کے بعد جوڑے کی جانب سے مختلف ڈانس اسٹیپس کئے گئے۔
View this post on Instagram
13 فروری کی رات منعقدہ دعوتِ ولیمہ کی تصاویر اور ویڈیوز بھی سوشل میڈیا پر وائرل ہوگئی ہیں جس میں عریشہ کو اپنے شوہر عبداللہ کے ساتھ خوشی مناتے دیکھا جاسکتا ہے۔ولیمے کی تقریب میں عریشہ نے ہلکی گلابی اور سلور فرشی میکسی زیب تن کی جس کے ساتھ حسین دوپٹہ سر پر سیٹ کیا، تقریب میں شوبز انڈسٹری سے تعلق رکھنے والے فنکاروں نے بھی شرکت کی ۔وائرل ہونے والی ویڈیوز میں عریشہ کو اپنے دلہا کے ہمراہ بے حد خوشی کے ساتھ انٹری دیتے دیکھا جاسکتا ہے، ایک ویڈیو میں عریشہ رضی عبداللہ اور دیگر مہمانوں کے ساتھ رقص کرتی بھی نظر آرہی ہیں۔اس شادی سیزن کی بہترین شادیوں میں سے یہ ایک تھی جس نے سوشل میڈیا پر بھر پور توجہ حاصل کی۔
View this post on Instagram
عمّارہ خان ایم فل ماس کمیونیکیشن کی طالبہ ہیں اور تقریباْ بارہ سال سے لکھنے کے کام سے منسلک ہیں۔“دل کا رشتہ“ایپ پر بھی خاندان اور شادی سے جڑے موضوعات پر لکھتی ہیں۔
