محب مرزا اور صنم سعید نے اپنی شادی کا اعلان کر دیا اور اس کے ساتھ ہی ان کے بارے میں اڑنے والی افواہوں نے دم توڑ دیا۔دونوں ستاروں نے اپنی شادی کا ذکر فہد مصطفیٰ کے پرو گرام میں کیا۔
جب فہد نے ”فورتھ ایمپائر“ پرو گرام میں صنم سے پوچھا کہ کیا اب وہ انھیں شادی پر مبارکباد دے سکتے ہیں تو صنم نے ہاں میں سر ہلا دیا۔دونوں ستاروں نے کافی عرصہ سے اپنی شادی کو چھپایا ہوا تھا اور حال میں ہی ایک پوڈ کاسٹ میں محب نے اپنے شادی شدہ ہونے کا اقرار کیا تھا۔2022کی یادوں کو دہراتے ہوئے صنم نے ایک ایپ پر اپنی منگنی کی انگوٹھی اور محب کے ساتھ اپنی تصویریں بھی شئیر کیں تھیں۔
محب نے اس سے پہلے منیب نواب کے پوڈ کاسٹ میں بتایا تھاکہ وہ زندگی میں دوبارہ جینے پر یقین رکھتے ہیں انھوں نے بتایا کہ صنم کا مطلب وہ ہے جس سے پیار کیا جائے اور محب کا مطلب پیار کرنے والاہے اب باقی کامطلب آپ خود نکال سکتے ہیں۔انھوں نے مزید بتایا کہ جو کچھ ہم دونوں کے ساتھ گزر چکا تھا اس کے بعد ایک دوسرے پر اعتبار کرنا ایک مشکل کام تھالیکن ایک دوسرے کے بارے میں جانتے ہوئے انھوں نے محسوس کیا کہ وہ ایک دوسرے کے ساتھ خوش رہ سکتے ہیں۔جب ان سے پوچھا گیا کہ کیا کوئی ایسی جگہ ہے جہاں وہ دونوں اکھٹے جانا چاہتے ہیں تو اس پر ان کا کہنا تھا کہ وہ پہلے ہی اٹلی کے شہر فلورینس جا چکے ہیں اور ان کی یہ خواہش پوری ہو چکی ہے۔فہدنے اپنی حسِ مزاح کو استعمال کرتے ہوئے صنم سے پوچھا کہ کیا شوہر بچوں کی طرح ہوتے ہیں اس پر صنم کا جواب تھا کہ شوہروں کو بچوں کی طرح ہی توجہ دینی پڑتی ہے۔
صنم اور ماروی دونوں کی پہلے شادی ہو چکی ہے اور ان دونوں کی یہ دوسری شادی ہے۔محب کی اپنی سابقہ بیوی سے ایک بیٹی میسا بھی ہے۔
عمّارہ خان ایم فل ماس کمیونیکیشن کی طالبہ ہیں اور تقریباْ بارہ سال سے لکھنے کے کام سے منسلک ہیں۔“دل کا رشتہ“ایپ پر بھی خاندان اور شادی سے جڑے موضوعات پر لکھتی ہیں۔
