شادی کرنا نہ کرنا یا کس عمر میں کرنا کسی بھی لڑکے یا لڑکی کا ذاتی فیصلہ ہوتا ہے لیکن ان معاشروں میں یہ بہت بڑا مسئلہ ہو جاتا ہے جہاں ہر کوئی آپ کی شادی کے بارے میں ہی پوچھ رہا ہو اور سچ یہ ہے کہ عام عوام کے ساتھ ساتھ اس عمومی رویے سے ہماری مشہور شخصیات بھی نہیں بچی ہوئیں بلکہ یہ کہا جائے کہ انھیں یہ سوال ہر جگہ سے سننے کو ملتا ہے تو غلط نہ ہو گا۔آج ہم ایسی ہی مشہور شخصیات کے بارے میں بات کریں گے جن کی عمر کافی ہو چکی ہے لیکن انھوں نے ابھی تک شادی کا فیصلہ نہیں کیا ہے۔
ریشم
پاکستانی اداکارہ ریشم 52 سال کی ہیں اور انہوں نے ابھی تک شادی نہیں کی ہے۔ ماضی کی مشہور اداکارہ ہیں اور آج بھی لوگ ان کی اداکاری اور لہجے کو خوب پسند کرتے ہیں۔
تارہ محمود
اداکارہ تارہ محمود جن کی عمر 40سال ہے اور یہ شفقت محمود کی بیٹی بھی ہیں، ان کی بھی ابھی تک شادی نہیں ہوئی ہے۔ البتہ توقع ہے کہ جلد از جلد ان کی بھی شادی ہوجائے گی۔
ماریہ واسطی
اداکارہ ماریہ واسطی 42سال کی ہوگئی ہیں مگر انہوں نے ابھی تک شادی نہیں کی ہے۔ ان کے ماضی میں نشر ہونے والے ڈراموں اور اب آنے والے ڈراموں میں واضح فرق دیکھا جائے تو یہ بہت بدل بھی گئی ہیں۔ ان کے مداح ان کی شادی کے لئے آج بھی اتنا ہی تجسس رکھتے ہیں جتنا پہلے رکھتے تھے۔
نرما
اداکارہ نرما 47 سال کی ہیں جو کہ ماضی کی مشہور ماڈل اور خوبرو اداکارہ تھیں، اب بھی کئی فیشن شوز میں نظر آتی ہیں انہوں نے ابھی تک ہمسفر نہیں چُنا۔
زارا شیخ
اداکارہ زارہ شیخ کی عمر 44 سال ہے یہ ایک خوبصورت ماڈل بھی ہیں ان کی شادی آج تک نہیں ہوئی ہے۔ جس پر لوگوں کو خوب حیرت ہوتی ہے۔
مہوش حیات
مہوش حیات 34 سال کی ہیں اور ان کے حوالے سے کچھ وقت قبل یہ خبریں بھی سامنے آئی تھیں کہ انہوں نے بلاول بھٹو کو پسند کیا، البتہ یہ صرف ایک افواہ تھی اور ابھی تک ان کی شادی اور دولہے سے متعلق کوئی خبر واضح طور ہر سامنے نہیں آئی ہے۔
عمّارہ خان ایم فل ماس کمیونیکیشن کی طالبہ ہیں اور تقریباْ بارہ سال سے لکھنے کے کام سے منسلک ہیں۔“دل کا رشتہ“ایپ پر بھی خاندان اور شادی سے جڑے موضوعات پر لکھتی ہیں۔
