پاکستانی انٹرٹینمنٹ کی بات کی جائے تو پاکستان شو بزانڈسٹری نے سترسال سے زائد کےعرصہ میں ٹی وی اور فلم انڈسٹری کے سیکڑوں اداکاروں میں چند ایسےبھی آئےجنہیں فلم کی کامیابی کی ضمانت سمجھا جاتا تھا۔کچھ جوڑیاں تو ایسی بنیں کہ جنہوں نے پردہ اسکرین پر تو بے پناہ مقبولیت حاصل کی ہی،عام زندگی میں بھی یہ ایک دوسرے کے حقیقی ساتھی بنے، جیسےسنتوش کمار اور صبیحہ خانم، درپن اور نیر سلطانہ،حبیب اورنغمہ بیگم، محمدعلی اور زیبافلم انڈسٹری سے اور ٹی وی ڈراموں سے راحت کاظمی اور سائرہ کاظمی، عثمان پیرزادہ اور ثمینہ پیرزادہ قابل ذکر ہیں۔اس کےعلاوہ بھی بے شمارمثالی جوڑیاں شو بز انڈسٹری کی تاریخ کا حصہ ہیں۔ ان میں سے کچھ حقیقی زندگی میں بھی ساتھ رہیں جبکہ کچھ میں علیحدگی ہو گئی۔ کچھ جوڑیاں بنیں جو آج تک ایک دوسرے کےساتھ عہدو پیماں نبھارہی ہیں۔جیسے جان ریمبو اور صاحبہ،ا داکارارباز خان اورخوشبووغیرہ لیکن آج ہم ایسی جوڑیوں کاذکر کریں گے جو کچھ “ہٹ “کر ہیں اور جنھوں نے اپنے رشتے کو بنائے رکھنے کے لیے کچھ زیادہ کوشش کی اور لوگوں کے لیے مثال بن گئے۔
دانش تیمور اور عائزہ خان
دونوں ستاروں نے ٹی وی ڈراموں سے اپنے کیریئرکا آغاز کیا اور ڈرامائی کردار کو حقیقی کردار میں بدل دیا۔یہ دونوں حقیقی زندگی میں بھی ایک دوسرے کے کزن ہیں 2013 میں ہونے والی منگنی 2015 میں بہت ساری ہنگامہ خیز خبروں کے بعد آخر کارخر شادی تک پہنچی۔اللہ نے اس خوبصورت جوڑے کو ایک بیٹی اور بیٹے سے بھی نواز دیا ہے۔ دانش تیمور نے اب ٹی وی کے ساتھ ساتھ فلموں میں بھی قدم رکھ دیا ہے۔ 2016 میں ریلیز ہونے والی فلم رانگ نمبر نے کامیابی کے جھنڈے گاڑ دیئے ہیں۔ لوگ آنے والے سالوں میں بھی دانش اور عائزہ کو اسی طرح ساتھ دیکھنا چاہتے ہیں۔
مرینہ خان اور جلیل اختر
اداکار جلیل خان اور مرینہ خان ایک بہترین ادکار اور ہدایت کار ہیں، اس جوڑی کی شادی کو بھی کئی سال بیت گئے۔یہ ایک بہت خوبصورت جوڑی ہے اور یہ ان کی پسند کی شادی ہے۔ ان کی کوئی اولاد نہیں لیکن وہ خوش ہیں اور صحت مند اور مطمئن زندگی ازدواجی زندگی گزار رہے ہیں اور ایک مثالی جوڑی ہیں۔
ہمایوں سعید اور ثمینہ ہمایوں سعید
ہمایوں سعید ہر پاکستانی کی دل کی دھڑکن ہیں اور لوگ ان سے محبت کرتے ہیں جب کہ ثمینہ ہمایوں سعید ایک کامیاب پروڈیوسر ہیں، اس جوڑی کی شادی کو تقریباً دو دہائیوں سے زائد عرصہ ہو چکا ہے تاہم ان کے بچے نہیں ہیں لیکن اس کے باوجود ایک دوسرے کے لیے پیار رکھتے ہیں اور کامیاب ازدواجی زندگی گزار رہے ہیں۔ان کے رشتے کی ایک بات ثمینہ کی بیٹی ہے جس کو ہمایوں سعید نے اپنی بیٹی کی طرح پالا کیونکہ ثمینہ پہلے سے شادی شدہ تھیں۔
فہد مرزا اور ثروت گیلانی
ٹیلی ویژن انڈسٹری کی دلکش اداکارہ ثروت گیلانی نے ساتھی اداکار فہد مرزا سے شادی کا اعلان کیا۔اس جوڑے کی آپس میں تقریباََ ایک دہائی سے دوستی تھی ۔اور آخر کار اس جوڑے نے شادی کا فیصلہ کرہی لیا ۔ان کا اب ایک بیٹا بھی ہے ۔ چھوٹی اسکرین کے یہ بڑے اداکار بہت مستقل مزاجی اور محبت سے اپنا یہ سفر جاری رکھے ہو ئے ہیں۔
نادیہ افغان اور جواد جودی
نادیہ افغان ایک پاکستانی اداکارہ ہیں جو اردو فلموں اور ٹیلی ویژن ڈراموں میں اداکاری کے جوہر دکھاتی ہیں۔وہ تھیٹر اور ٹیلی ویژن میں اپنی اداکاری کے لیے جانی جاتی ہیں۔پہلی شادی ی ناکامی کے بعد نادیہ افغان نے جودی کے ساتھ شادی کی ۔ان کی شادی کو کئی سال ہو گئے ہیں تاہم یہ جوڑی بھی ایک خوبصورت زندگی گزار رہی ہے۔ اس جوڑی کی بھی کوئی اولاد نہیں ہے لیکن وہ ایک کامیاب ازدواجی زندگی گزار رہے ہیں اور یہ ہی بات انہیں ایک “ہٹ “کر کامیاب جوڑی بناتی ہے۔
عمّارہ خان ایم فل ماس کمیونیکیشن کی طالبہ ہیں اور تقریباْ بارہ سال سے لکھنے کے کام سے منسلک ہیں۔“دل کا رشتہ“ایپ پر بھی خاندان اور شادی سے جڑے موضوعات پر لکھتی ہیں۔
