Haal hi mein Taylor Swift aur Travis Kelce ne apni engagement ka elaan social media par kiya. Unhon ne phoolon se sajay huay bagh mein khinchwayi gayi khoobsurat tasveerain share ki. American singer Taylor Swift aur football star Travis Kelce foran hi khabron ka hissa ban gaye. Lekin sawal yeh hai ke unki engagement ko itna khaas kyun kaha ja raha hai? Aaiye maloom karte hain.
Engagement Ring
Travis ne Taylor ko apne garden mein ek unique diamond ring ke sath propose kiya jo unhon ne khud design karwayi thi. Experts ke mutabiq, is ring mein 10–20 carat ka rare antique cushion-cut diamond hai jo 18-carat gold mein set kiya gaya hai. Yeh design Victorian style se inspired hai. Jewelry experts kehte hain is ki qeemat $500,000 se $5 million tak ho sakti hai. Is mein old mine diamond use hua hai jo hand-cut technique se tayar hua, aur is par bareek naqashi aur craftsmanship ne isay aur bhi khaas banaya.
President Trump ki Mubarakbad
Ek aur interesting baat yeh thi ke former U.S. President Donald Trump ne bhi couple ko mubarakbad di. Unhon ne Taylor ko “amazing person” kaha aur Travis ko acha insaan aur acha khiladi qarar diya. Trump ne dono ke liye nek khwahishat ka izhar kiya.
Mohabbat ka Jashn
Apne apne fields mein bohot saal ki kamiyabi ke baad, Taylor aur Travis ko aisa life partner mil gaya jiske sath woh zindagi guzar na chahte hain. Yeh baat unki celebration ko aur bhi meaningful bana deti hai.
Hum bhi yeh dua karte hain ke aapko bhi apna perfect life partner jald mile.
