شادی ایک نئی زندگی کا آغاز ہے جو اکثر پیچیدہ اور دباؤ سے بھرپور ہو سکتی ہے۔ اس لیے یہ جاننا ضروری ہے کہ دوسرے لوگوں نے شادی کے ابتدائی دنوں میں کون سی عام غلطیاں کیں تاکہ آپ ان سے بچ سکیں۔شادی کا مرحلہ بالکل مختلف ہوتا ہے، خاص طور پر لڑکی کے لیے۔ لڑکی کی زندگی میں یہ مرحلہ لڑکے کے مقابلے میں زیادہ تبدیلیاں لاتا ہے۔اسے والدین کا گھر چھوڑنا پڑتا ہے اور مالی ذمہ داریوں کا سامنا کرنا پڑتا ہے۔اس کے علاوہ وہ پورے گھر کی ذمہ دار بن جاتی ہے۔اور اگر وہ کام کرتی ہے، تو اس کے ساتھ ساتھ اپنے پیشے کی ذمہ داری بھی۔اس کے علاوہ، وہ حمل، بچے کی پیدائش اور پرورش کی بھی سب سے زیادہ ذمہ داری اٹھاتی ہے۔چونکہ یہ مرحلہ دباؤ اور الجھنوں سے بھرا ہوتا ہے، اکثر اس میں غلط فہمیاں اور مسائل پیدا ہوتے ہیں۔ شادی کے ابتدائی دنوں کی کچھ غلطیوں کامیں ذکر کرنا چاہوں گی تاکہ آپ ان سے بچ سکیں۔
حساسیت میں مبالغه
ابتدائی دنوں میں لڑکیاں بہت حساس ہوتی ہیں اور شوہر کی کوئی بھی بات انھیں فوراً متاثر کر دیتی ہے، چاہے بات کا کوئی غلط مطلب نہ ہو۔اس لیے نئی نویلی دلہنوں کو جذباتی حساسیت کو کم کرنے کی کوشش کرنی چاہیے اور اگر کسی بات پر الجھن ہو تو براہِ راست اپنے شریکِ حیات سے وضاحت طلب کریں۔
حمل میں تاخیر کے لیے احتیاط نہ کرنا
اگر آپ نے پہلے سال حمل میں تاخیر کا فیصلہ کیا تاکہ اپنی شادی شدہ زندگی کا لطف اٹھا سکیں۔ لیکن کوئی خاص اقدامات نہیں کیے اور سوچا کہ حمل جلدی نہیں ہوگا تو یہ آپکی ایک غلط فہمی ہے ۔اگر آپ حمل میں تاخیر چاہتے ہیں تو مناسب احتیاطی تدابیر اپنائیں، جیسے کہ محفوظ طریقے یا دیگر غیر ہارمونی طریقے وغیرہ۔
کاموں کو ملتوی کرنا
شروع میں، کاموں کو ٹال دینا ایک غلط عادت ہے ۔ اس کے نتیجے میں کام کا ڈھیر لگ جاتا ہے اس لیے نئی دلہنوں کو چاہیے کہ روزمرہ کے کاموں کو فوری انجام دیں تاکہ مسائل نہ بڑھیں۔
مالی منصوبہ بندی نہ کرنا
شروع میں شادی شدہ جوڑا اپنے مالی معاملات کی کوئی خاص منصوبہ بندی نہیں کرتا اور اس کا نتیجہ یہ نکلتا ہے کہ پیسے غیر ضروری چیزوں پر خرچ ہو جاتے ہیں اور اہم ضروریات پوری نہیں ہو پاتیں۔ایک ہفتہ وار یا ماہانہ فہرست بنائیں اور خرچ کی نگرانی کریں۔
ہر کام میں پہل کرنا
والدین کے گھر میں آپ اکیلے ذمہ داری اٹھانے والے ہوتے ہو لیکن شادی کے بعد، آپ کو اس عادت کو تبدیل کرنا پڑے گا ۔اپنے شریکِ حیات کو اس کی ذمہ داریاں ادا کرنے دیں۔
عمّارہ خان ایم فل ماس کمیونیکیشن کی طالبہ ہیں اور تقریباْ بارہ سال سے لکھنے کے کام سے منسلک ہیں۔“دل کا رشتہ“ایپ پر بھی خاندان اور شادی سے جڑے موضوعات پر لکھتی ہیں۔
